Ndaiporimo’ãi impuestazo, he’i presidente Federico Franco

“MAYMA TAPICHA CONTRIBUYENTE OPYTAKUA TRANQUILO”

Pe Poder Ejecutivo ndoguerekói iñakãme tributo pyahu ñemoî, ha mayma tapicha contribuyente ikatu opyta tranquilo; avave ndorekói iñakãme mba’evéichagua plan ojehupi haguã impuesto, térã mba’evéichagua impuestazo.
Ko’ã mba’e he’i karai presidente Federico Franco peteî rueda de prensa aja. “Avave ndoguerekói iñakãme impuesto jehupi”, he’i Jefe de Estado kuehe Palacio de Gobierno-pe peteî rueda de prensa aja, ministro de Hacienda Manuel Ferreira, ministra de Justicia y Trabajo Lorena Segovia ha Secretaría Nacional Antidrogas myakãha Francisco de Vargas rovake. “Chéve guarã, pe ojapóva Congreso Nacional, ndohupírivo umi sueldo, iporãiterei. Ajerure kuri parlamenario kuérape ani haguã opoko umi salario rehe, ha péichaite ojapo hikuái”, he’i avei Poder Ejecutivo omyakãva.